కాలం తీర్పుకు ...!! (కవిత)

ఇప్పుడు 

కాలం ఎదురుతిరిగింది 

నిత్యజీవన శైలికి 

గండిపడింది ....!

ఎందరెందరినో ..

కాటికి --

కాళ్లు చాపేలా చేసింది 

మరెందరి ప్రాణాలనో 

గాలిలో కలిపేసింది !

అక్కడా ..ఇక్కడా ..

అనికాదు ---

యావత్ ప్రపంచాన్నీ 

అల్లకల్లోలంచేసి 

భయం గుప్పిట 

నొక్కిపట్టింది !

వ్యాపారస్తులకు 

ఇది గొప్పవ్యాపారంగా 

మారింది....

జ్ఞానం బోధించే 

విజ్ఞాన దీపిక అయింది !

పెళ్లిళ్లు -పబ్బాలు 

పండుగలు -సమావేశాలు 

నామమాత్రం --

అయినాయి ....!

గతాన్ని తలచుకుని 

అదే పండుగ అనుకొవాలి 

ఇప్పటి అనుభవాన్ని 

ఒక పీడకలగా మరచిపోవాలి !

కాలం ఇచ్చే తీర్పుకు 

కట్టు బడి ఉండాలి ...!

రాబోయే రోజులన్నీ 

మన మంచికే ..అనుకొవాలి!!

------డా.కె .ఎల్.వి.ప్రసాద్ ,

                 హనంకొండ