ఆశాజీవులు ...!! (కవిత)

గూడు లేకున్నా

నీడ దొరికింది

కూడు దొరికే ఉపాయం

ఆమె కష్టించే

చేతుల్లోనే ఉంది ,

ఆశాజీవిగా బ్రతకడం

ఆమెకు ...

వెన్నతో పెట్టిన

విద్య అయింది !

అక్షర జ్ఞానం లేకుంటేనేమి ,

కన్నబిడ్డను

అక్షరజ్యోతిగా -

చేయ పూనుకుంది ,

కష్టపడకుండా -

సుఖం దరిచేరదని ,

ఆమె ఎప్పుడో నమ్ముకుంది

అందుకే ..ఆ అవ్వ ---

ఎక్కడైనా ,

సంతోషంగా -

బ్రతక గలుగుతుంది !

సంతానాన్ని ....ఆ రోగ్యంగా ,

బ్రతికించుకోగలుగుతుంది.!!

*

------డా.కె.ఎల్.వి.ప్రసాద్

హన్మ కొండ .

(రోడ్డు పక్క, ఖాలీ సిమెంటు తూములో సంసారం

సాగిస్తున్న స్త్రీ మూర్తిని చూచి)